Uşaq və yeniyetmələr üçün nəzərdə tutulmuş “Məktəbli” qəzeti 2023-cü ildə Naxçıvan Muxtar Respublikasının Naxçıvan şəhərində təsis edilmiş və ilk sayı həmin ilin sentyabr ayında “Əcəmi” Nəşriyyat-Poliqrafiya Birliyində nəşr olunmuşdur. Ayda bir dəfə məktəblilərin görüşünə gələn qəzetin əsas məqsədi uşaq və yeniyetmələrdə oxu vərdişlərini inkişaf etdirmək, istedadlı şagirdləri üzə çıxarmaq, onların bu mətbu orqanla əlaqələrini təmin etməkdir. “Məktəbli” qəzeti, eyni zamanda yaradıcı sahələrə (jurnalistika, fotomüxbir, rəssam, şair və sair) həvəsi olan şagirdlərə müxtəlif mövzularda işləmək üçün əməkdaşlıq təklif edir.