Sevinc Nuruqızının “Melisa” əsəri həyatı bütün həqiqətləri və doğruları ilə göz önündə canlandırır. Əsər oxucunu öz çəhrayı dünyasından alıb cürbəcür çalarlarla dolu dünyaya səyahətə aparır. Əsərdə ön planda insandır – öz sevinci-kədəri, sevgisi-nifrəti, doğrusu-yalanı ilə… Və maraqlısı budur ki, insan obrazları bir gəlinciyin düşüncələri ilə bir-bir açılır, saf-çürük edilir, yaxşıya- pisə bölünür. Bir sözlə, “Melisa” öz gənc oxucusuna həyatı öyrədir. Uşaq yazıçısı Sevinc Nuruqızının “Melisa” əsəri Türkiyənin İlesam-Akçağ uşaq ədəbiyyatı roman, hekayə və nağıl – 2018 (KİTAB Dosyası) müsabiqəsində roman janrında birinci yerin sahibi olub.
Mətndə səhv varsa, onu qeyd edib Ctrl+Enter düyməsini basaraq bizə göndərin.
